Visa Sergiy Martınçuku şirkətinin Baş Vitse-prezidenti və Qrupun Ukrayna, Moldova, Cənubi və Şərqi Avropa, Mərkəzi Asiya və Qafqaz üzrə Ölkə Meneceri təyin edib

Rəqəmsal ödənişlər sahəsində dünya lideri olan Visa (NYSE: V) bu gün Sergiy Martınçukun şirkətinin Baş Vitse-prezidenti və Qrupun Ukrayna, Moldova, Cənubi və Şərqi Avropa, Mərkəzi Asiya və Qafqaz regionu üzrə Ölkə Meneceri vəzifəsinə təyin olunduğunu elan edib. Kiyevdə fəaliyyət göstərəcək Martınçuk Visa-nın 17 ölkədəki əməliyyatları və strategiyası üzrə ümumi məsuliyyət

daşıyacaq. Sergiy Martınçuk, Visa-nın Əlavə Dəyər Xidmətləri bölməsində yeni qlobal vəzifəyə keçən və bu yaxınlarda şirkətinin ABŞ-ın San-Fransisko şəhərindəki baş ofisinə köçən Kristina Dorosu əvəz edir. O, maliyyə qurumları, ticarət müəssisələri, texnologiya və dövlət tərəfdaşları ilə əməkdaşlığın gücləndirilməsinə, eyni zamanda region üzrə rəqəmsal ödənişlərin tətbiqinin sürətləndirilməsinə diqqət yetirəcək. “Biz Sergiyi Visa-da salamlamaqdan məmnunuq,” – deyə

Visa-nın Mərkəzi Avropa, Yaxın Şərq və Afrika üzrə Regional Prezidenti Dr. Tariq Mahmud bildirib. “Onun texnologiya sahəsində dərin bilikləri, güclü regional liderlik təcrübəsi və müxtəlif komandaları idarə etmək üzrə sübut olunmuş bacarıqları imkanlarımızı daha da gücləndirəcək və 17 ölkədəki müştərilərimiz və tərəfdaşlarımız üçün daha böyük dəyər

yaratmağımıza kömək edəcək.” Martınçuk, region üzrə, ən son Cisco şirkətində olmaqla, təxminən iyirmi illik yüksək səviyyəli regional rəhbərlik təcrübəsi ilə yanaşı texnologiyaya əsaslanan transformasiya sahəsində dərin səriştəyə, icraetmə və insan resurslarının idarə olunması üzrə güclü nailiyyətlərə malikdir. O, böyük təşkilatlara rəhbərlik edib, inkişafı təmin edib və müştərilər, tərəfdaşlar və tənzimləyici qurumlarla etibarlı münasibətlər

formalaşdırıb. Eyni zamanda o, Kompüter Elmləri və Maliyyə sahəsində akademik təhsili alıb. “Ödəniş sənayesi üçün belə mühüm bir dövrdə Visa-ya qoşulmaq və bu çoxşaxəli regiona rəhbərlik etmək mənim üçün böyük şərəfdir,” – deyə Visa-nın Baş Vitse-prezidenti və Qrupun Ukrayna, Moldova, Cənubi və Şərqi Avropa, Mərkəzi Asiya və Qafqaz regionu üzrə Ölkə Meneceri Sergiy Martınçuk bildirib. “Komandalarımız və tərəfdaşlarımızla birlikdə biz insanlar və bizneslər üçün

rəqəmsal ödənişlərin inkişafını davam etdirəcək, pul hərəkəti həllərinin miqyasını genişləndirəcək və texnologiya, təhlükəsizlik və güclü bazar uyğunluğu ilə dəstəklənən əlavə dəyər xidmətləri vasitəsilə müştəri bazasının genişləndirilməsini təmin edəcəyik.” Azərbaycanda Visa artıq 29

ildir ki, qabaqcıl, təhlükəsiz və inklüziv rəqəmsal ödəniş ekosisteminin qurulması məqsədilə banklar, ticarət müəssisələri və dövlət qurumları ilə əməkdaşlıq edir. Bu tərəfdaşlıq sayəsində Visa tokenləşdirmə, biometrik ödənişlər və elektron ticarət sahələrində innovasiyaların inkişafını davam etdirir. The post Visa

Sergiy Martınçuku şirkətinin Baş Vitse-prezidenti və Qrupun Ukrayna, Moldova, Cənubi və Şərqi Avropa, Mərkəzi Asiya və Qafqaz üzrə Ölkə Meneceri təyin edib appeared first on InfoCity.

Visa Sergiy Martınçuku şirkətinin Baş Vitse-prezidenti və Qrupun Ukrayna, Moldova, Cənubi və Şərqi Avropa, Mərkəzi Asiya və Qafqaz üzrə Ölkə Meneceri təyin edib

Сообщает infocity.tech

Новость из рубрики: Технологии и Hi-Tech

Поделиться новостью: Поделиться новостью в Facebook Поделиться новостью в Twittere Поделиться новостью в VK Поделиться новостью в Pinterest Поделиться новостью в Reddit

Топ Новости Недели

06:00, 03 Апр Visa внедряет ИИ-инструменты для упрощения споров по банковским операциям Как сообщает CNBC, компания Visa представила шесть новых инструментов на базе искусственного интеллекта, направленных на модернизацию обработки споро...